Нийслэлийн ерөнхий боловсролын 70 дугаар  сургууль нь 1977 онд СНЗ-ийн 288-р тогтоолоор   Октябрийн районы (хуучнаар) 40 дүгээр сургуулийн дэргэд 227 сурагч, 14 бүлэг, 20 гаруй багш, 20-иод ажилчинтай үйл  ажиллагаа эхэлж,  Улаанбаатар хотын АДХГЗ-ны даргын 1977 оны 06 дугаар сарын 29-ны 29 тоот тушаалаар Г. Бадамдоржийг сургуулийн захиралаар томилсон байна.

1979 онд 13 дугаар сургуулийн хуучин байранд хичээллэх болж өөрийн гэсэн байртай болсон.

 Одоо тус сургууль нь Баянгол дүүргийн 18 дугаар хороо, Жалханзхутагт Дамдинбазарын гудамжинд байрлах бөгөөд хичээлийн 2 байртай.
1990 онд баригдсан өргөтгөлийн барилга нь 280 сурагч хичээллэх боломжтой хичээлийн “А” байр, БШУЯ-ны хөрөнгө оруулалтаар тусгай хэрэгцээ шаардлагатай хүүхдүүдэд зориулсан 320 хүүхдийн хүчин чадалтай тохируулгад орчин бүхий “Б” байр 2013 оны 12-р сард  ашиглалтад орсон.

2024-2025 оны хичээлийн жилд  боловсролын ялгаатай хэрэгцээ шаардлагатай 345 суралцагчдад суурь боловсрол эзэмшүүлэх, засан сайжруулах, нөхөн сэргээх үйлчилгээг 58 багш 25 ажилтан албан хаагчтайгаар үзүүлж байна.